Məni və uşağı yerə yıxıb qaçdı... | ABŞ-də film kimi hadisə yaşandı

ABŞ-nin Kanzas ştatında qorxulu filmləri xatırladan hadisə baş verib.

Fərdi yaşayış evində dayə kimi çalışan qadının nəzarət etdiyi azyaşlı ona “çarpayımın altında “xoxan” var” deyə şikayətlənib.

Qadın uşağa orada heç nəyin olmadığını sübut etmək üçün çarpayının altına baxanda tamam fərqli mənzərə ilə rastlaşıb.

Polisə verdiyi ifadəsində dayə bildirib ki, bir cüt gözlə üz-üzə gəlib:

“Qorxudan nitqim tutuldu. Məni görən kimi o, çarpayının altından çıxdı və uşaqla məni yerə yıxaraq qaçıb getdi”.

Dayənin təsvir etdiyi fotorobot əsasında axtarışa keçən polis çox keçmədən şübhəli “xoxan”ı saxlaya bilib.

Saxlanılan şəxs, 27 yaşlı Martin Villalobos adam oğurluğunda və uşaqlara şiddət maddələri də daxil olmaqla ittiham olunur. M.Villalobos 500 min dollar girov qarşılığında saxlanılır. Ödəniş edilməzsə, onun həbs olunacağı bildirilib.