Məzardan görün kimlərin sümükləri tapıldı | Dəhşətli faktların detalları üzə çıxdı

50 il əvvəl Yunanıstanın şimalındakı Verqina şəhəri yaxınlığında arxeoloqlar qədim Makedoniya kral ailəsinə aid olduğu güman edilən məzarlar aşkarlamışdılar.

Uzun müddət bu məzarlarda Makedoniyalı İsgəndərin oğlu IV İskəndərin, böyük qardaşı III Filipp və atası II Filippin dəfn olunduğu düşünülürdü. Ancaq son araşdırmalar bu iddianı alt-üst etdi.

Bu barədə "Daily Mail" xəbər yayıb. Bildirilir ki, yunan alimlərinin apardığı yeni analizlər göstərdi ki, birinci məzardakı skelet əslində II Filippə aid deyil.

Radiokarbon analizi, genetik testlərin təhlili göstərdi ki, bu adam öldüyündə 25-35 yaşlarında olub və e.ə. 388-356-cı illər arasında dəfn edilib. Halbuki II Filipp e.ə. 336-cı ildə, təxminən 45 yaşında öldürülmüşdü.

Bundan əlavə, məzarda aşkar edilmiş uşaq qalıqları bir yox, altı fərqli körpəyə məxsusdur və Roma dövrünə, yəni e.ə. 150-130-cu illərə aiddir.

Alimlər ehtimal edirlər ki, məzar sonradan açılıb və körpə cəsədləri o zaman oraya yerləşdirilib. Bu isə o dövr üçün normal dəfn təcrübəsi sayılırdı.

Əldə olunan nəticələr göstərir ki, bu məzar nə II Filippə, nə də onun ailəsinə məxsus ola bilər. Amma tədqiqatçılar əmindirlər ki, skelet qədim Makedoniya kral ailəsinin yüksəkvəzifəli üzvünə məxsusdur.

Beləliklə, nə II Filippin, nə də İsgəndərin özünün dəqiq məzarı hələ də tapılmayıb və bu, antik dünyanın ən böyük sirlərindən biri olaraq qalır.