Pleyeri seçin:
Məzari-Şərifdəki zəlzələ 4 ölkədə hiss olundu
Əfqanıstanda 6.3 bal gücündə zəlzələ qeydə alınıb.
Ölkənin şimalında qeydə alınan yeraltı təkanlar Özbəkistan, Tacikistan və Pakistanda da hiss olunub.
Əfqanıstanda azı 20 nəfərin öldüyü bildirilir, yüzlərlə insan yaralanıb. Xilasetmə işləri davam etdiyinə görə ölü sayının artacağı istisna edilmir.
Ən çox dağıntı və itki Samanqan və Bəlx əyalətlərinin şimalında, xüsusən də Daşkurqan şəhərində qeydə alınıb.
Qeyd edək ki, zəlzələ Bakı vaxtı ilə saat 00:28-də Əfqanıstanın şimalındakı Bəlx əyalətində, Məzari-Şərifdən 45 km cənub-şərqdə qeydə alınıb. Yeraltı təkanların episentri 28 kilometr dərinlikdə olub. Təhlükə səviyyəsi narıncı qiymətləndirilib. Bu isə ölü və yaralı sayının artma ehtimalını yüksəldir.
Həmin bölgədə 500 min insan yaşayır. Ölkənin tarixi Göy məscidi də ziyan görüb. Minarələrdən birinin qarşısında dağıntıların olduğunu təsdiqləyən video yayılıb.
Kopyalandı
#Əfqanıstan teqi istifadə olunub
Seçilmişlər
