Milyarderlər indeksində tarixi göstərici | Varlıların pulunun üstünə pul gəlir

ABŞ Prezidenti Donald Trampın idxal rüsumlarının artırılmasını 90 gün gecikdirmək qərarından sonra dünyanın ən zəngin insanlarının ümumi sərvəti rekord səviyyədə ‒ 304 milyard dollar artıb.

Bu barədə “Bloomberg” məlumat yayıb.

Bildirilib ki, Trampın qərarından sonra “Tesla” səhmləri 23% qalxıb və nəticədə Maskın kapitalı 36 milyard dollar artıb.

“Meta” korporasiyasının rəhbəri Mark Zukerberqin sərvəti 26 milyard, texnologiya şirkəti “Nvidia”nın rəhbəri Censen Huanqın sərvəti isə 15,5 milyard dollar çoxalıb.

Dünyanın ən varlı adamlarının ümumi sərvətinin 304 milyard dollar artması Milyarderlər İndeksinin bütün tarixində rekorda çevrilib. Əvvəlki 233 milyard dollarlıq artım rekordu 2022-ci ildə qeydə alınıb. Xatırladaq ki, aprelin 2-də Donald Tramp 185 ölkə və ərazidən gələn məhsullara rüsumlar tətbiq etdiyini açıqlayıb.