Mirzoyan Ermənistanın təşkilatla əlaqələrindən danışdı | Öhdəlikləri olan müttəfiqlər bir-birinə...

“KTMT-nin Ermənistana biganə münasibəti İrəvanı çox məyus edib”.

Bunu Ermənistanın xarici işlər naziri Ararat Mirzoyan “Lännen Media” informasiya agentliyinə müsahibəsində deyib.

“Öhdəlikləri olan müttəfiqlər bir-birinə kömək etməlidirlər, hərbi ittifaqın mənası budur. Bu laqeyd münasibət böyük məyusluğa səbəb oldu. Bu, Ermənistanda ictimai rəyi dəyişdi. Bu, özünəməxsus vəziyyət yaratdı”, – deyə erməni nazir qeyd edib.

A.Mirzoyan onu da bildirib ki, hazırda Ermənistan və Avropa İttifaqı ikitərəfli münasibətlərin dərinləşdirilməsi üzrə yeni sənədlə bağlı danışıqlar aparır.

“Ermənistanı Avropa İttifaqına yaxınlaşdırmağa yönəlmiş siyasətimizi bilirsiniz. Ermənistan Avropa İttifaqı ilə münasibətlərin əhəmiyyətli dərəcədə dərinləşdirilməsinə yönəlmiş siyasət həyata keçirir. Hazırda “Yeni tərəfdaşlıq proqramı” adlı sənədlə bağlı danışıqlar aparılır”, – deyə A.Mirzoyan qeyd edib.

Onun sözlərinə görə, bu, əməkdaşlığın müxtəlif sahələrini əhatə edən hərtərəfli sənəddir.