Misirli arxeoloqdan sensasiyalı açıqlama | Bunların hamısı ağılsızlıqdır…

Misirli arxeoloq Zahi Havass Giza piramidalarının altında yeraltı şəhərin olması ilə bağlı iddiaların həqiqətə uyğun olmadığını bildirib.

O vurğulayıb ki, peyk görüntülərindən istifadə etmək və bu cür bəyanatlar vermək ağılsızlıqdır.

Arxeoloq beynəlxalq alimlər qrupu ilə birgə Xafren piramidasının içərisində tədqiqatlar apardığını və altında heç bir sütun tapmadığını qeyd edib.

"Biz bu italyan macəraçıların Misirdə elmi araşdırma apardığını eşitməmişik. Onlar Giza piramidaları ərazisində görünməyiblər. Onların etdikləri yalnız uydurma miflərlər yaymaqdır", ‒ deyə arxeoloq bildirib.

Qeyd edək ki, Giza piramidalarının dünyaca məşhur arxeoloji kompleksi Nil çayının qərb sahilində eyniadlı yaylada yerləşir. Onun 4500 ildən çox yaşı var. Kompleksə IV sülalənin fironları tərəfindən tikilmiş üç böyük piramida ‒ Xeops, Xafren və Menkaure piramidaları daxildir.