Moskvanın səbri tükəndi | Ermənistan niyə gah Qərbə, gah Rusiyaya üz tutur?

"Ermənistanın xarici siyasəti boşanan şəxsin vəziyyətini xatırladır. Ayrıldığı şəxsi ya pisləyir, ya da ondan üzr istəyib münasibətlərini bərpa etməyə çalışır”.

Bunu siyasi ekspert Artur Xaçikyan Rusiyanın xarici işlər naziri Sergey Lavrovun İrəvana səfərini və Ararat Mirzoyanın Ermənistanın Rusiya ilə münasibətlərinin dəyişməyəcəyi ilə bağlı bəyanatını şərh edərkən deyib.

"İnsanda bir neçə şəxsiyyət təzahür etdirən xəstəlik forması var. Bax bizdə də belədir. Şəxsən görüşəndə deyirlər ki, Rusiyaya sadiqdirlər, onunla qalırlar və ilk fürsətdə Qərbə qaçırlar. Britaniya kəşfiyyatının nümayəndələri ilə görüşürlər, Qərbin əmrlərini yerinə yetirirlər, Rusiyanı uzaqdan təhqir edir. Sonra yenidən onun yanına qayıdırlar ki, üzlərinə bir sillə vurmaqla özlərini haqlı çıxara bilsinlər”, – Xaçikyan qeyd edib.

Onun sözlərinə görə, belə siyasət daxili qərarsızlığın və hər iki tərəfi razı salmaq cəhdlərinin nəticəsidir. "Ya onlar doğrudan da Qərbə getmək istəyirlər, amma istəklərini reallaşdıra bilmirlər, ya da başa düşürlər ki, Qərbin tələblərini yerinə yetirmək iqtidarında deyillər və buna görə də yenidən Moskvaya üz tuturlar. Orada elə alçaldılmış görünüşlə otururlar ki, heç getməsəydilər, daha yaxşı olardı”, – deyə politoloq əlavə edib.

Lavrovun İrəvanda verdiyi bəyanatlarə münasibətini bildirən Xaçikyan deyib ki, bəyanatların tonu Moskvanın səbrinin tükəndiyini göstəricisi idi.

Xaçikyanın fikrincə, Ermənistanın hazırkı rəhbərliyinin aydın xarici siyasəti yoxdur və ölkənin idarə olunmasının özü də son dərəcə aşağı səviyyədədir.