Moskvaya yeni PUA hücumu | Hava hücumundan müdafiə qüvvələri hərəkətə keçdi - Baku TV

Rusiya Hava Hücumundan Müdafiə qüvvələri Moskva istiqamətində uçan daha 7 pilotsuz uçuş aparatını vurub.

Bu barədə Moskva meri Sergey Sobyanin məlumat verib.

“Müdafiə Nazirliyinin Hava Hücumundan Müdafiə qüvvələri 7 PUA-nın hücumunun qarşısını alıb. Təcili xidmətlərin mütəxəssisləri qalıqların düşdüyü ərazilərdə işləyirlər”, – deyə Sobyanin bildirib.

Mümkün dağıntılar və xəsarətalanlar barədə hələlik məlumat verilməyib.

Bu arada Rusiya müharibənin 1627-ci günü üçün Ukrayna Ordusunun itkiləri haqda məlumatı yeniləyib.

Müdafiə Nazirliyinin rəsmi nümayəndəsi İqor Konaşenkovun sözlərinə görə, xüsusi əməliyyatın başladığı gündən indiyə qədər qarşı tərəfin 673 təyyarəsi, 284 helikopteri, 200 921 PUA-sı, 669 zenit-raket kompleksi, 30 489 tank və digər zirehli texnikası məhv edilib.