Müharibə Rusiya ərazisinə keçdi | Rusiyalılara təcili xəbərdarlıq

“Ukrayna qoşunları Rusiya ərazisinə daxil olmağa çalışıb”.

Bu barədə Rusiya Müdafiə Nazirliyi məlumat yayıb.

Bildirilib ki, Rusiya hərbçiləri Federal Təhlükəsizlik Xidmətinin sərhədçiləri ilə birlikdə Ukraynanın Belqorod və Kursk vilayətlərinin ərazisinə girmək cəhdinin qarşısını alıblar.

Məsələ ilə bağlı Kursk vilayətinin qubernatoru Roman Starovoyt da “Telegram” kanalında açıqlama verib. Bildirib ki, atışma olub, lakin heç bir irəliləyiş qeydə alınmayıb.

Onun sözlərinə görə, ölkənin Hava Hücumundan Müdafiə Sistemləri tərəfindən Ukraynaya məxsus 11 pilotsuz uçuş aparatı məhv edilib. Qubernator raket hücumu təhlükəsinin hələ də davam etdiyini bildirərək vətəndaşlara təhlükəsiz yerdə gizlənmələri barədə müraciət edib.

Yeri gəlmişkən, Rusiya “Telegram” kanallarında da ölkənin Ukrayna ilə sərhəddə yerləşən Belqorod vilayətində şiddətli döyüşlərin getdiyi barədə məlumatlar yayılıb.

Bildirilib ki, Ukrayna tərəfdən “Pikap” avtomobillərində olan bir neçə silahlı qrup minaatanlarla hücuma keçib. Xəbərə görə, həmin silahlılar Belqorod və Kursk vilayətlərinə keçməyə cəhd göstəriblər. Məlumatda vilayətin Tetkino məntəqəsində atışma getdiyi də vurğulanıb. Sərhədə tankların yaxınlaşması da yayılan xəbərlər sırasındadır.