Müharibədə qan su yerinə axdı | Rusiya bu vilayətləri bombardman etdi!

Son sutkada Rusiya ilə Ukrayna arasında 190 hərbi toqquşma baş verib.

Rusiya Ordusunun Pokrovks istiqamətində 64 hücumunun qarşısı alınıb.

Bundan başqa, Rusiya Ordusu Zaporojye, Donetsk, Sumı və Xarkov vilayətlərini bombalayıb.

Zaporojye şəhər administrasiyasının rəhbəri İvan Fedorovun sözlərinə görə, endirilən zərbələr nəticəsində 5 nəfər ölüb, onlarla dinc sakin yaralanıb. Ümumiyyətlə, Zaporojye vilayətinin 20 yaşayış məntəqəsinə 591 aviazərbə endirilib.

Ukrayna Silahlı Qüvvələrinin məlumatına görə, müharibə ərzində Rusiya Ordusunun 1 82 990 hərbi qulluqçusu öldürülüb. 11 155 Rusiya tankı məhv edilib, 23 229 zirehli maşın zərərsizləşdirilib. Ukrayna Ordusu Rusiyanın 32 258 artilleriya sistemini, 1476 reaktiv sistemini məhv edib.

Rusiya isə Ukrayna Ordusunun həftə ərzində itkiləri barədə məlumat yayıb. Belə ki, Luqansk ətrafında aparılan əməliyyatlarda 4100 Ukrayna hərbçisinin öldürüldüyü bildirilir. Həmçinin Ukraynaya aid 5 tank, 46 artilleriya sistemi, 39 radioelektron stansiya, 96 silah-sursat anbarı və 270 hərbi maşın zərərsizləşdirilib.