Müharibənin 4-cü ilində Zelenskidən gözlənilməz açıqlama - Baku TV

Ukrayna Prezidenti Volodimir Zelenskinin xarici kütləvi informasiya vasitələrinə verdiyi sonuncu müsahibəsi müzakirələrə səbəb olub.

Zelenski belaruslu həmkarı Aleksandr Lukaşenkoya qarşı sanksiya siyasətinin davam etdiriləcəyini və tədbirlərin təkcə ona deyil, həm də onun ətrafına və ailə üzvlərinə şamil olunacağını bildirib.

O həmçinin qeyd edib ki, Belarus ərazisində Rusiya ilə birgə hərbi təlimlərin keçirilməsi planlarından xəbərdardır. Onun sözlərinə görə, Ukrayna bu təlimləri diqqətlə izləyəcək, çünki daha əvvəl iri manevrlər Ukrayna ərazisinə hücumun başlaması ilə üst-üstə düşürdü.

Zelenski vurğulayıb ki, bu, həm Ukrayna, həm də Belarus əhalisi üçün ciddi risklər yaradır.

Ukrayna liderinin fikrincə, Rusiyada hərbçilərə müqavilə imzalandığı zaman ödəniş edilir. Ukrayna da eyni şəkildə hərəkət etmək istərdi, lakin maddi vəsait çatışmır. Zelenski Avropadan bu istiqamətdə xərcləri qarşılamasını tələb edib.

Ukrayna Prezidenti Volodimir Zelenski sonda iki il bunkerdə yaşadığını və işləri oradan idarə etdiyini diqqətə çatıdırıb. O, yaxın vaxtlarda bəhs etdiyi sığınacağı jurnalistlərə göstərməyi və orada mətbuat konfransı keçirməyi planlaşdırır.