Mükafatın təqdim ediləcəyi mərasimin tarixi tezliklə bildiriləcək

Sui-qəsd nəticəsində qətlə yetirilən amerikalı siyasi fəal və ABŞ Prezidenti Donald Trampın tərəfdarı Çarli Kirk “Azadlıq üzrə Prezident Medalı” ilə təltif ediləcək.

Bu barədə Ağ Ev lideri 11 sentyabr hadisələrinin ildönümü mərasimində çıxışı zamanı bildirib.

“İlkin olaraq, Çarli Kirkə qarşı edilən sui-qəsdlə bağlı kədərimi ifadə etmək istəyirəm. Çarli öz nəslinin nəhəng simvolu, azadlıq çempionu və milyonlarla insan üçün ilham mənbəyi idi. Dualarımız onun ailəsi ilədir. Biz Çarli üçün çox darıxırıq. Şübhəsiz, onun səsi və cəsarəti yaşamağa davam edəcək.

Mən Çarli Kirkə ölümündən sonra “Azadlıq üzrə Prezident” mükafatı verəcəyimi elan etməkdən qürur duyuram. Mükafatın təqdim ediləcəyi mərasimin tarixi tezliklə ictimaiyyətə bildiriləcək. Sizə yalnız bir şeyi təmin edə bilərəm. O da budur ki, çox böyük bir kütlə orada olacaq”.

Xatırladaq ki, amerikalı siyasi fəal və ABŞ Prezidenti Donald Trampın tərəfdarı Çarli Kirk Yuta Universitetində çıxışı zamanı sui-qəsd nəticəsində öldürülüb. Hücumda şübhəli bilinən şəxs artıq saxlanılıb. Araşdırmalar davam etdirilir.