Münaqişə alovlanır | Hindistan-Pakistan gərginliyinin arxasında duran səbəblər

Cəmmu və Kəşmirin Hindistanın nəzarətində olan hissəsində 26 nəfərin həlak olduğu terror aktından sonra hadisəyə görə məsuliyyəti yerli qruplaşma öz üzərinə götürüb. Ancaq Hindistan tərəfi Pakistanda olan “Ləşkər-e-Taiba” və “Hizbul Mücahiddin” kimi islamçıları ittiham edir.

Görünən odur ki, Hindistan bu qruplaşmalara qarşı əməliyyat keçirmək adı ilə Pakistana müdaxilə etməyə hazırlaşır. Bu variant Pakistanla diplomatik münasibətlərin kəsilməsinə səbəb ola bilər.

Xarici mediada yayılan məlumata görə, ölkə Hind Suları Müqaviləsini qeyri-müəyyən müddətə dayandırıb.

1960-cı ildə imzalanan saziş 6 böyük çaydan ibarət sistemin 2 ölkə arasında bölüşüdürülməsini təmin edirdi.

Qeyd edək ki, Hindistan öz ərazisində olan bəzi çaylardan istədiyi kimi istifadə edib. Hazırda quraqlıq səbəbindən bu çaylarda suyun miqdarı kəskin aşağı düşüb. Son zamanlar Hindistanın qərb vilayətlərində ciddi su çatışmazlığı əkin sahələrini qurudub. Bu isə Narendra Modi hökumətini ciddi narahat edir.

Hindistan bununla bağlı Pakistandan yardım istəyib. Pakistan 3 çayın suyundan müəyyən olunmuş miqdarda istifadə ilə bağlı Hindistana icazə verib. Lakin Hindistanın daxilində su sisteminin tamamilə nəzarət altına alınması ilə bağlı çağırışlar səngimir. Çağırışların qorxulu tərəfi Pakistana hərbi müdaxilə ilə bağlıdır.