Muxtar respublika rəhbərindən sərt çıxış: Səfiri məcburi müalicəyə göndərin

Rusiya Federasiyasının muxtar respublikası Buryatiyanın rəhbəri Aleksey Sıdenov İsrailin keçmiş səfiri Arkadi Milmanın buryatları fələstinlilərlə müqayisə edən və hər ikisinin “qeyri-sağlam psixopatik instinktlər”ə malik olduğunu bəyan edən irqçi bəyanatlarına reaksiya verib.

Bu barədə respublika lideri “Telegram” kanalında yazıb. “İsrailin keçmiş səfirinin biliyi yaxşı deyil, onun tərbiyəsi və insani standartları daha da pisdir”, – deyə Sıdenov diplomatın məcburi müalicəyə göndərilməsini tövsiyə edib.

Buryatiya rəhbəri bütün yəhudi xalqını bir vətəndaşın sözlərinə görə mühakimə etməməyə çağırıb. “Özləri irqçilikdən və nasizmdən daha çox əziyyət çəkən bir xalqın, yəhudilərin təmsilçisindən bunu eşitmək çox qəribədir”, – buryat lideri deyib.

Qeyd edək ki, Milman Yaxın Şərqdəki münaqişə ilə bağlı verdiyi müsahibədə buryatları HƏMAS hərbçiləri ilə müqayisə edib və həqarətə yol verib.