NASA 5 aydan sonra kosmosdan yeni görüntülər yayımladı | Teleskop inqilabi kəşflərə imza atdı

“Hubble” kosmik teleskopunun 35 illik münasibətilə NASA bu cihazın çəkdiyi dörd yeni möhtəşəm görüntünü yayımlayıb: Marsın yaxın planda görünüşü, ulduzların doğulduğu Rozet dumanlığı, “NGC 2899” adlı planetar dumanlıq və “NGC 5335” adlı spiralvari qalaktika.

Qeyd edək ki, “Hubble” teleskopu 1990-cı ildə orbitə buraxılıb və yaxın vaxtdan bəri kainat haqqında inqilabi kəşflərə imza atıb. İlk illərdə texniki qüsurlar olsa da, sonradan edilən təmir və yenilənmələrlə teleskopun görüntü keyfiyyəti xeyli yaxşılaşdırılıb.

Marsın yeni yayımlanan fotoları 2024-cü ilin dekabrında planet Yerə ən yaxın mövqedə olanda çəkilib. Fotolarda Marsın Şimal buzlaqları, yatmış vulkanlar və narıncı Farsidə yaylası aydın görünür. Digər görüntülərdə isə ulduz yaranma bölgəsi olan Rozet dumanlığı və ömrünü başa vurmuş ulduzların yaratdığı rəngarəng “NGC 2899” dumanlığı təsvir edilib.

Həmçinin 225 milyon işıq ili uzaqlıqda yerləşən “NGC 5335” spiralvari qalaktika da göstərilib. Onun parlaq mərkəzində isə yeni ulduzlar yaranır. Teleskop hazırda hələ də fəaliyyət göstərir, amma artıq yaşlandığı üçün tez-tez nasazlıqlar baş verir. Buna baxmayaraq, “Hubble” kainatın sirlərini açmağa davam edir.