“Nəsr-2” əməliyyatının ikinci mərhələsi həyata keçirildi

Yaxın Şərqdə gərginlik pik həddə çatır. İslam İnqilabı Keşikçiləri Korpusu ABŞ-nin bölgədəki hərbi obyektlərinə növbəti zərbələrin endirildiyini bəyan edib.

IRNA agentliyinin məlumatına görə, "Nəsr-2" əməliyyatının ikinci mərhələsi çərçivəsində ABŞ-nin Küveytdəki "Əli əs-Salim" bazası yaxınlığında yerləşən erkən xəbərdarlıq kompleksi və Bubiyan adasındakı taktiki radar sistemi məhv edilib.

İran tərəfi həmçinin bölgəni qarşı tərəfin radarlarından təmizləməyə davam edəcəyini və Vaşinqtonun hücumlarının cavabsız qalmayacağını vurğulayıb.

Bundan başqa, Birləşmiş Ştatların regiondakı hərbi aviasiyası da İranın hədəfindədir.

Məlumata görə, İranın ABŞ bazalarına zərbələrindən sonra Vaşinqton öz hərbi infrastrukturunun bir hissəsini İsrailə köçürmək məcburiyyətində qalıb. Amerikanın ən azı 24 yanacaqdolduran təyyarəsi hazırda İsrailin Eylat şəhərindəki Ramon aerodromunda yerləşdirilib. Ümumi dəyəri 1,5 milyard dollar olan bu strateji hərbi texnika İran Ordusunun birbaşa əlçatanlıq zonasındadır.