Pleyeri seçin:
Nüvə obyektlərinin vurulması hər şeyi dəyişdirəcək? - Ərağçidən açıqlama
İranın xarici işlər naziri Abbas Ərağçi dövlət televiziyasına verdiyi açıqlamada bildirib ki, İranın hazırda ABŞ ilə görüş keçirmək planı yoxdur.
Nazir qeyd edib ki, Tehran ABŞ ilə danışıqların ölkənin maraqlarına xidmət edib-etmədiyini qiymətləndirir.
A.Ərağçinin sözlərinə görə, daha əvvəl keçirilmiş beş raund danışıqlar ABŞ və İsrailin İranın nüvə obyektlərinə hücumları nəticəsində yarımçıq qalıb. ABŞ və İsrail bu hücumların İranın nüvə silahı istehsal etməsinin qarşısını almaq məqsədi daşıdığını bildirir. İran isə nüvə proqramının sırf dinc, mülki məqsədlərlə həyata keçirildiyini vurğulayır.
A.Ərağçi hücumlar nəticəsində nüvə obyektlərinə ciddi zərər dəydiyini deyib və əlavə edib ki, İranın müvafiq qurumları nüvə proqramının yeni vəziyyətini qiymətləndirir.
Onun sözlərinə görə, bu qiymətləndirmələr ölkənin gələcək diplomatik mövqeyinə təsir edəcək.
Kopyalandı
#ABŞ teqi istifadə olunub
- “3 min il sonra ilk dəfə...” | Trampın xalqa müraciətində vacib mesajlar - Baku TV
- Tramp xalqa müraciətində Ukrayna və Venesueladan danışmadı
- Tankerlər hərbçilər tərəfindən müşayiət olunacaq
- Zelenski sülh təklifinin rədd ediləcəyi təqdirdə ABŞ-dən gözləntisini açıqlayıb
- Zelenski Mayamidəki görüşdə iştirak etməyəcəyini açıqlayıb
