Nüvə proqramı ilə bağlı danışıqlar gündəmdə

13 yanvar 2026 18 baxış

İranın xarici işlər naziri Abbas Əraqçi ABŞ Prezidentinin xüsusi nümayəndəsi Stiv Uitkoff ilə əlaqə saxlamağa davam edir.

Bu barədə A.Ərağçi "Al Jazeera"ya müsahibəsində bildirib.

"Uitkoffla danışıqlarımız etiraz aksiyalarından əvvəl, sonra və hələ də davam edir", – deyə o qeyd edib.

Uitkoff ilə mümkün görüşə gəlincə, Əraqçi bildirib ki, hazırda araşdırılan ideyalar var.

Daha əvvəl "Axios" mənbələrə istinadən xəbər verib ki, İranın XİN rəhbəri və ABŞ Prezidentinin xüsusi nümayəndəsi telefon danışığında etirazlar fonunda İslam Respublikasındakı vəziyyəti müzakirə ediblər. Abbas Əraqçi Vaşinqton tərəfindən təzyiq və diktə olmadığı təqdirdə Tehranın nüvə proqramı ilə bağlı danışıqlar masasına qayıtmağa hazır olduğunu bildirib.

"Biz nüvə dosyesi üzrə danışıqlar masasına qayıtmağa hazırıq, bir şərtlə ki, bu, təhdid və ya diktə olmadan baş verəcək", – deyə Əraqçi vurğulayıb.

#İran Xarici İşlər Nazirliyi