“Nüvə savaşı”nda kim geri addım atacaq? - Razılaşma belə olmalıdır!

“ABŞ ilə danışıqlarda iki məsələ müzakirə olunmalıdır: İranın nüvə məsələsi və sanksiyaların ləğvi”.

Bunu İran xarici işlər nazirinin müavini, ABŞ ilə danışıqlar aparan nümayəndə heyətinin üzvü Kazım Qəribabadi deyib.

“Qeyri-nüvə problemlərindən başqa heç nəyi müzakirə etməyimizə ehtiyac yoxdur”, ‒ diplomat bildirib.

K.Qəribabadi İranın uranı və nüvə sənayesini zənginləşdirməyə davam edəcəyini qeyd edərək, bu məsələlərin danışıqlar mövzusu olmadığını vurğulayıb:

“İran qarşılıqlı faydalı anlaşmaya və hər iki tərəf üçün ədalətli, ağlabatan və uzunmüddətli razılaşma əldə etməyə hazırdır”.

ABŞ Prezidenti Donald Trampın bundan əvvəlki nüvə müqaviləsindən çıxmasını xatırladan İran rəsmisi bildirib ki, yeni mümkün razılaşma bir il sonra pozulan anlaşma olmamalıdır: “İran heç bir gecikmə olmadan belə bir razılaşma əldə etməyə hazırdır”.

K.Qəribabadi danışıqların növbəti raundunun harada keçirilməsinin İran üçün fərqinin olmadığını söyləyərək, qarşıdakı müzakirələrin Romada baş tutacağını açıqlayıb: “Romanın seçilməsinin səbəbi qarşı tərəfin istəyi idi”.

İran rəsmisi əlavə edib ki, danışıqların növbəti raundu da Omanın vasitəçiliyi ilə keçiriləcək.