O, köhnə sevgililəri ilə ancaq… | Maykl Ceksonun keçmiş arvadından qalmaqallı açıqlamalar

1994-cü ildə ailə həyatı quran və 2 il sonra boşanan Elvis Preslinin yeganə qızı və pop müğənnisi, Maykl Ceksonun keçmiş həyat yoldaşı Liza Mari Preslinin ölümündən öncə yazmağa başladığı memuarı böyük marağa səbəb olub.

Belə ki, xatirələr toplusunda Liza Mari Presli əfsanəvi ulduzla bağlı gözlənilməz faktları qələmə alıb. Bu barədə o, “Daily Mail” tərəfindən dərc edilən “Buradan Böyük Naməluma” adlı xatirələrində yazıb. Liza Mari Presli Maykl Ceksonla görüşməyə başlayanda dünyaşöhrətli ulduzun bakir olduğunu bildirib.

“Düşünürəm ki, o, sevgili olduğu Tatum O'Nil və Bruk Şildsi sadəcə öpüb. Maykl Madonna ilə də eşq yaşamağa cəhd edib. Bu münasibəti də uğursuz olub”, – deyə Maykl Ceksonun keçmiş həyat yoldaşı Liza Mari Presli qeyd edib.

Liza Mari Presli və Maykl Cekson evlilik illərində övlad sahibi ola bilməsələr də, boşandıqdan sonra dostluq münasibətlərini qoruyub saxlaya biliblər. Bu əlaqə hələ də ictimaiyyətə qəribə görünür. Buna görə də onların evliliyinin razılaşdırılmış olduğu barədə müxtəlif şayiələr yayılıb. Xatirələr toplusunda isə bunun əksi iddia olunur.

Qeyd edək ki, Liza Mari Presli “rok-n-roll” kralı Elvis Preslinin qızı olub. O, 2023-cü ildə 54 yaşında mədə kiçiltmə əməliyyatından sonra bağırsaqlarında yaranan problemə görə vəfat edib. Onun xatirələri ilə bağlı kitabını isə qızı səs yazılarını dinləyərək bitirib.