Öldüyü bilinən Priqojinin müəmmalı videosu

Avqustun 23-də Rusiyanın Tver vilayətində təyyarə qəzasında həyatını itirən “Vaqner” özəl hərbi şirkətinin rəhbəri Yevgeni Priqojinin müəmmalı videosu yayılıb.

Onun ölümünü arzulayanlara müraciəti böyük müzakirələrə səbəb olub.

“Mənim sağ olub-olmadığımı müzakirə edənlər və necə olduğumu soruşanlar üçün qeyd etmək istəyirəm ki, indi 2023-cü ilin avqustun ikinci yarısıdır, mən hazırda Afrikadayam. Ölməyimi arzulayanlar bilsinlər ki, hər şey qaydasındadır”, – deyə Priqojin bildirib.

Qeyd edək ki, avqustun 30-da Priqojinin məzarının görüntüləri yayılıb. O, Sankt-Peterburqdakı Poroxov qəbiristanlığında dəfn edilib.