Ölkəmizi azad etmək üçün bunları etməliyik! | General-mayordan hücumla bağlı açıqlama

İsrail Ordusunun Livanın cənubundakı “Hizbullah”ın mövqelərinə endirdiyi zərbələr nəticəsində itkilər durmadan artır. Ölənlərin sayı azı 182, yaralıların sayı isə 727 nəfərə çatıb.

Hücumlarla bağlı Livanın general-mayoru Məhəmməd Xeyir açıqlama verib.

“Baş nazir Nəcib Mikatinin göstərişlərinə uyğun olaraq, zərər çəkmiş insanlara kömək etmək üçün nəzərdə tutulmuş plana əsasən vəzifəmizi yerinə yetiririk. Hər bir vətəndaşın yanındayıq. Nə əvvəl, nə də sonra heç bir vətəndaşımızın əziyyət çəkməsinə imkan yaratmayacağıq. Bunu da bilsinlər ki, insanların başına gələnlərin qarşısında dövlət cavabdehdir”, – deyə o bildirib.

Qeyd edək ki, SAXAL son bir neçə gündür ki, Livanın cənubunda irimiqyaslı hücumlar həyata keçirir. “Hizbullah” hərbi qruplaşmasının lideri Həsən Nəsrullahın “İsrail qırmızı xətti keçib!” sözlərindən sonra regionda vəziyyət daha da gərginləşib.