Parapsixoloji ekspermentin gözlənilməz nəticələri | İnsanabənzər varlıqların…

Ayın hər zaman Yerə eyni üzünü göstərməsi və "qaranlıq tərəfinin” gizli qalması illərdir müxtəlif nəzəriyyələrə səbəb olur. Bu iddialardan ən diqqətçəkəni Ayın uzaq tərəfində yadplanetli bazaların mövcudluğu və onun təbii deyil, süni bir peyk olmasıdır.

ABŞ tərəfindən 1970-80-ci illərdə "uzaqdan görüntüləmə" adlanan parapsixoloji eksperimentlər həyata keçirilib. Bu təcrübələrdə uzaq məsafələrdəki obyektlər və hadisələr haqqında informasiyanı zehni yolla əldə etdiklərini iddia edən şəxslərdən istifadə olunurdu.

Məhz bu layihə çərçivəsində aparılan bir müşahidə zamanı, Ayın qaranlıq tərəfində yadplanetlilərə aid baza və insanabənzər varlıqların işlədiyi komplekslərin aşkar edildiyi bildirilib. Qeyd olunub ki, Ay səthində göydələn ölçüsündə qüllələr və binalar mövcuddur.

Əlbəttə ki, bu iddiaların heç biri rəsmi şəkildə sübut edilməyib. Bu səbəbdən layihə uzun illər boyunca fantastik nəzəriyyə kimi qəbul olunub. Lakin layihənin 25 il davam etdirilməsi bəzi maraqlı suallar doğurur.