Paris bu ölkədəki bazalarını təhvil verdi | Fransa ilə əməkdaşlıqdan kimlər imtina etdi?

Fransanın Ordusu 65 ildən sonra Seneqaldan çıxıb.

Belə ki, Paris bu ölkədəki bazalarını rəsmən təhvil verib.

“Əl Cəzirə”də yayılan məlumata görə, bununla da Fransanın Qərbi və Mərkəzi Afrikadakı daimi hərbi mövcudluğu sona çatıb. Buna səbəb bir vaxtlar Fransanın müstəmləkəsi olmuş ölkələrin Parisin neokolonializminə etiraz etmələri olub.

Fransa Ordusu Seneqalı Sahel bölgəsindəki münaqişə fonunda tərk edir. Parisdən ordunun çıxarılmasını tələb etsə də, Seneqalın Prezidenti Fransa ilə əməkdaşlığı davam etdirəcək.

Fransanın digər müstəmləkələri olmuş Burkina-Faso, Mali və Niqer isə Seneqaldan fərqli qərar olaraq Parislə əməkdaşlıqdan imtina edib. Məqalədə qeyd olunur ki, buna səbəb 1960-cı ildə müstəqillik qazanan Seneqalın Fransanın ən sadiq müttəfiqlərindən biri olmasıdır. Halbuki Fransa 1944-cü ildə törətdiyi qətliam və başqa koloniyaçı vəhşiliklərinə görə Seneqaldan üzr istəməyib.

Qeyd edək ki, 1944-cü il dekabrın 1-də Seneqalın paytaxtı Dakar yaxınlığındakı Tiaroye qəsəbəsində fransız qoşunları tərəfindən seneqallı əsgərlərə qarşı qırğın törədilib. Bu hadisə Tiaroye qətliamı kimi tarixə düşüb.