Paşinyanın erməni xalqını aldatdığı sübut olundu

Ermənistanın Baş naziri Nikol Paşinyanın ölkənin İctimai Radiosuna müsahibəsi ölkədə müzakirələrə səbəb olub.

Veriliş radio da daxil olmaqla hökumət rəhbərinin səhifəsində birbaşa yayımlansa da, sonradan məlum olub ki, intervü əslində canlı olmayıb. Bunu isə yerli kütləvi informasiya vasitələrindən biri sübut edib.

Belə ki, media orqanının əməkdaşları həmin vaxt sözügedən radionun yerləşdiyi məkana gedib və orada gözlənilməz mənzərə ilə qarşılaşıb. Onlar İctimai Radionun binasında qarovulçulardan başqa heç kimi görməyiblər.

Hadisədən sonra yerli mediada məsələ ilə bağlı müxtəlif versiyalar da təqdim edilib. Bəziləri Paşinyanın bu hərəkətini tənqid etsə də, bir qismi isə normal hesab edib. Onlar qeyd edirlər ki, verilişin əvvəlcədən çəkilməsi Baş nazirin təhlükəsizliyinin təmin edilməsi ilə əlaqəli ola bilər.