Paşinyanın planı "əlində partladı” | Putinlə görüşündə bu məsələyə nöqtə qoyuldu!

26 sentyabr 2025 189 baxış

Rusiya Prezidenti Vladimir Putin Kremldə Ermənistanın Baş naziri Nikol Paşinyanla görüşüb.

Rusiya lideri görüş zamanı bildirib ki, iki ölkə arasında münasibətlər durmadan inkişaf edir və 2024-cü ildə ticarət dövriyyəsi rekord həddə çataraq 11 milyard dolları ötüb.

“Ermənistanda atom elektrik stansiyası var və Metsamor AES ölkənin elektrik enerjisinin 30%-ni təmin edir. Böyük rəqəmdir, çünki bütün elektrik enerjisinin üçdəbiri atom elektrik stansiyası tərəfindən təmin olunur”, ‒ Putin bildirib.

Qeyd edək ki, Metsamor AES qəzalı vəziyyətdədir və regionda Çernobıl faciəsinə səbəb ola bilər.

Mətbuatda yayılan məlumata görə, Ermənistanın Baş naziri Nikol Paşinyan avqustun 8-də Ağ Evdə olarkən Metsamor AES-in yeni enerji bloklarını ABŞ-nin inşa edəcəyi ilə bağlı razılaşıb. Lakin atom elektrik stansiyası hazırda “Rosatom”un istifadəsindədir və Paşinyan Moskvada AES-in 2036-cı ilə qədər Rusiyanın istifadəsində olacağını təsdiqləyib.

#Vladimir Putin