Pəhləvinin həyat yoldaşı etiraz aksiyaları keçirən iranlılara təşəkkür edib
İranın sonuncu şahı Məhəmmədrza Pəhləvinin həyat yoldaşı (şahbanu) Fərəh Pəhləvi dünyanın müxtəlif ölkələrində molla rejimi əleyhinə etiraz aksiyaları keçirən iranlılara təşəkkür edib.
Bu barədə o, sosial mediada bildirib.
Şahbanu bunu “iranlıların sarsılmaz iradəsi və milli həmrəyliyinin göstəricisi” kimi qiymətləndirib.
“Melbörndən Münxenə, Londondan Torontoya, Vaşinqtondan Los-Ancelesə qədər bir milyondan çox iranlı bir araya gələrək İrandakı həmvətənlərin səsi olublar”, – deyə o qeyd edib.
Mesajında İran rejimi tərəfindən onminlərlə etirazçının öldürüldüyü və bir çoxlarının həbsdə saxlanıldığını iddia edən Fərəh Pəhləvi vurğulayıb ki, xaricdə yaşayan iranlıların qaldırdıqları bayraqlar və səsləndirdikləri şüarlar onların vətənlərinə olan dərin sevgisini göstərir.
“İran tezliklə şeytani işğalçıların caynağından xilas olacaq”, – o əlavə edib.
#İran teqi istifadə olunub
- Ölkəni idarə etməyi, az zərərlə təhlükəsizliyi təmin etməyi bacarmalıyıq | Pezeşkian
- Tehranın nüvə proqramı ilə bağlı danışıqlar necə olacaq?
- ABŞ İranla ölkənin faydalı qazıntılarına çıxış məsələsini müzakirə edə bilər
- ABŞ İrana qarşı Maduro əməliyyatından da daha ciddi hərbi hazırlıq görür
- Ali Milli Təhlükəsizlik Şurasının katibi Əli Laricanidən Vaşinqtona xəbərdarlıq - Baku TV CANLI
