Pleyeri seçin:
Pekin suyun altında qaldı, minlərlə insan... | Fəlakət riski niyə artır?
Pekində daşqın ehtimalı səbəbindən fövqəladə vəziyyət rejimi tətbiq olunub.
Çinin Su Təsərrüfatı Nazirliyi bu barədə məlumat yayıb.
Bildirilib ki, iyulun 24-də başlayan güclü leysan Çinin paytaxtının şimal-şərq ətrafında yerləşən Miyun anbarında suyun kəskin şəkildə artmasına gətirib çıxarıb. Nəticədə anbara daxil olan suyun həcmi onun 60 illik tarixi ərzində ən yüksək həddə çatıb.
Torpaq sürüşmələri və daşqınlar da daxil olmaqla fəlakət riskinin artması fonunda 4400-dən çox insan təxliyə edilib.
Leysan yağışların səbəb ola biləcəyi geoloji hadisələr təhlükəsi ilə bağlı qırmızı xəbərdarlıq səviyyəsi elan olunub. Pekinin qərb, şimal hissələrində sürüşmə və dağ süxurlarının uçması təhlükəsi mövcuddur.
Kopyalandı
