Pensilvaniya Universitetinin alimləri inqilabi kəşfə imza atdı

ABŞ-nin Pensilvaniya Universitetinin alimləri gözlənilməz kəşf ediblər: onlar enerji sərf etmədən atmosferdən suyu çıxara bilən yeni nanostrukturlu material tapıblar.

Bu barədə araşdırma “Science Advances” elmi jurnalında dərc olunub.

Hidrofilik nanoporlar və hidrofobik polimerlərlə aparılan təcrübələr zamanı mütəxəssislər izaholunmaz bir fenomen görüblər. Daha dəqiq, materialın səthində kortəbii olaraq su damlaları əmələ gəlib. Onun hidrofilik məsamələri aşağı rütubətdə də nəmi kondensasiya edir və hidrofobik polietilen suyu səthə itələyir.

Xüsusi struktur davamlı bir dövr yaradır: buxar – məsamələrdə kondensasiya, damcıların əmələ gəlməsi – havadan nəm ehtiyatının doldurulması.

Eyni zamanda damcılar termodinamika qanunlarına zidd olaraq buxarlanmır. Materialın tərkibinin sadəliyi texnologiyanı səhralarda passiv su təchizatı sistemləri, elektronikanın enerjiyə qənaətlə soyudulması və rütubətə cavab verən “ağıllı” örtüklərin yaradılması üçün perspektivli edir.

Alimlər materialın kütləvi istehsalını optimallaşdırmaq üçün tədqiqatları davam etdirirlər.