Peskov Tramp və Harrisə sərt irad bildirdi | Ümid edirik ki, Putini...

Kreml ABŞ prezidentliyinə namizədləri Rusiya Prezidentinin adını hallandırmamağa çağırıb.

Belə bir narazılıqla V.Putinin mətbuat katibi Dmitri Peskov çıxış edib.

O, Donald Tramp və Kamala Harrisin debatını şərh edərkən bildirib ki, namizədlərin Rusiya Prezidentinin soyadından ölkədə daxili siyasi mübarizədə siyasi arqument kimi istifadə etməsi rəsmi Kremlə xoş gəlmir və bu hal yolverilməzdir:

“Hər iki namizədin Prezidentimizin adını çəkdiyinin şahidi olduq. Bu həqiqətən də xoşumuza gəlmir və ümid edirik ki, V.Putini rahat buraxacaqlar”.

Xatırladaq ki, D.Tramp debat zamanı V.Putin və Rusiya sözünü azı 15 dəfə, K.Harris isə V.Putinin adını 4 dəfə dilə gətirib.