Peskovdan "qara çamadan" açıqlaması

“Rusiya Prezidenti Vladimir Putin ölkənin nüvə qüvvələrini hər zaman şəxsi nəzarətində saxlayır”.

Bunu Kremlin sözçüsü Dmitri Peskov deyib. O, V.Putinin Dərbənd səfəri zamanı qara çamadanlı zabitin formasını düzəltməsi və əlini sıxması ilə bağlı canlı epizodu dəyərləndirib və maraqlı şərh verib.

Kreml nümayəndəsi qısaca olaraq bildirib ki, V.Putin həmişə nüvə qüvvələrinə nəzarət edir.

“Zabitin əlindəki məhz həmin “nüvə çamadanı”dır”, – deyə D.Peskov qeyd edib. Xatırladaq ki, V.Putin Dağıstana səfəri zamanı helikopterin yanında dayanmış və əlində qara çamadan olan dəniz zabitinin geyim formasını düzəldib. Daha sonra Rusiya lideri başqa bir zabitin əlini sıxıb və helikopterə minib.