Peycerlərin partlayışında SEPAH üzvləri ölüb? | General hər şeyi açıqladı

SEPAH hərbçilərinin Livanda portativ peycer partlayışlarının qurbanı olması ilə bağlı yayılan xəbərlər həqiqətə uyğun deyil.

Bu barədə İran İslam İnqilabı Keşikçiləri Korpusunun nümayəndəsi, general Əli Məhəmməd Naeini “Tasnim”ə müsahibəsində deyib.

General Naeini bir sıra media orqanları və sosial media hesabları tərəfindən Livanda eyni vaxtda peycer partlayışları nəticəsində SEPAH əsgərlərinin həlak olması ilə bağlı yayılan şayiələri təkzib edib.

Onun sözlərinə görə, peycerlərin partlaması nəticəsində heç bir SEPAH hərbçisi xəsarət almayıb.

Qeyd edək ki, sentyabrın 17 və 18-də İsrailin kiberhücumları nəticəsində peycer, daha sonra mobil telefon və noutbuklarda partlayış baş verib. Nəticədə onlarla insan həlak olub, minlərlə insan yaralanıb.