Pezeşkian ABŞ ilə son vəziyyətdən danışdı | "Biz müharibə istəmirik" - Baku TV CANLI

İran Prezidenti Məsud Pezeşkian xalqa müraciətində və beynəlxalq media qurumlarına verdiyi açıqlamalarda ABŞ ilə münasibətlərin kəskinləşməsinə münasibət bildirib. Pezeşkian rəsmi Tehranın mövqeyini bir mənalı şəkildə ifadə edərək, "Biz müharibə istəmirik" bəyanatını səsləndirib. Lakin o, eyni zamanda ABŞ və İsrailin İrana qarşı artan hərbi təzyiqlərini, mülki obyektlərə və infrastruktura endirilən zərbələri "İran xalqına qarşı müharibə" kimi qiymətləndirib. Prezident vurğulayıb ki, Tehran beynəlxalq hüquq çərçivəsində qanuni özünümüdafiə hüququndan istifadə edəcək və istənilən təcavüzə qətiyyətlə cavab verəcək. Ali lider Əli Xameneinin vəfatından sonrakı həssas dövrdə ölkənin daxili sabitliyini qorumağın prioritet olduğunu qeyd edən Pezeşkian, nüvə silahı axtarışında olmadıqlarını, lakin təslimiyyət xarakterli şərtləri də qəbul etməyəcəklərini bildirib. Bu açıqlamalar Donald Tramp administrasiyasının İrana qarşı sərtləşən "maksimum təzyiq" kursu və regiondakı hərbi aktivliyi fonunda mühüm diplomatik mesaj kimi xarakterizə olunur.