Pezeşkianın maşınına su qarışmış benzin vurulub? - İranı çalxalayan xəbərin detalları
İran Prezidenti Məsud Pezeşkianın maşınına su qarışmış benzin vurulması ilə bağlı yayılan xəbərlər həqiqəti əks etdirmir.
Bunu İran Yanacaqdoldurma Məntəqələri Birliyinin sözçüsü Rza Nəvaz deyib.
"Aparılan araşdırmadan sonra yanacaqdoldurma məntəqəsində 1000-dən çox avtomobilə yanacaq doldurulub və həmin avtomobillərin sahibləri tərəfindən heç bir şikayət daxil olmayıb", – o əlavə edib.
Rza Nəvaz Prezidentin Təbrizə taksi ilə getməsinin başqa səbəblərinin ola biləcəyini vurğulayıb:
"Prezident karvanında olan hər üç avtomobilin xarab olması iddiası doğrudursa, məsələyə texniki və təhlükəsizlik məsələləri də daxil olmaqla başqa aspektlərdən də baxmaq lazımdır, bunu benzinlə əlaqələndirmək absurddur".
Qeyd edək ki, bundan əvvəl yayılan məlumatlara görə, Məsud Pezeşkianın Təbrizə qeyri-rəsmi səfəri zamanı onu və mühafizəçilərini aparan üç avtomobil benzinə su qarışdırılması səbəbindən Qəzvin əyalətində yarı yolda xarab olub və hökumət başçısı yolun qalan hissəsini taksi ilə gedib.
#İran teqi istifadə olunub
- Beş gündür oradayam, incidirdilər, qoymurdular keçməyə | Təxliyə olunan şəxslər danışdı - Baku TV
- "Astara" sərhəd-keçid məntəqəsindən canlı bağlantı - Baku TV
- İran İsfahandakı uranı çıxarmağa hazırlaşır? - Baku TV
- İran hakimiyyətində böyük parçalanma: Pezeşkianla SEPAH açıq qarşıdurmaya keçir? - AKTUAL GÜNDƏM
- Biz İranla danışıqlar aparmaq istəmirik | Donald Tramp - Baku TV
