Priqojinin təyyarəsinin düşdüyü qəza ilə bağlı yeni detallar

Rusiyanın Tver vilayətində göyərtəsində “Vaqner” özəl hərbi şirkətinin rəhbəri Yevgeni Priqojinin də olduğu təyyarənin vurulması ilə bağlı bir sıra detallar üzə çıxıb.

Təyyarənin “S-300” hava hücumundan müdafiə sistemləri vasitəsilə vurulduğu deyilir. Rusiya Fövqəladə Hallar Nazirliyi artıq təyyarənin qəzaya uğradığı yerdən 8 nəfərin cəsədinin tapıldığını açıqlayıb. Xarici KİV-nin məlumatına görə, “Vaqner” hərbi rəhbərliyinin olduğu heyət ötən gün Afrikadan Rusiyaya qayıdıblarmış.

Maraqlısı isə ondan ibarətdir ki, bu gecə Yevgeni Priqojinin üsyanından düz 2 ay keçir. Onu da əlavə edək ki, təyyarədə olan 10 nəfərin hamısı keçmiş “KQB” (DTK) əməkdaşı və 24 iyunda qiyamda iştirak edən şəxslərdir. Artıq “Vikipediya”da da Yevgeni Priqojinin ölüm tarixi 23.08.2023 olaraq qeyd edilib.

Y.Priqojinin olduğu təyyarənin qəzaya uğraması xəbəri bütün dünya gündəmini də zəbt edib. Həmçinin qəza xəbəri ABŞ Prezidenti Co Baydenə məruzə edilib.