Professor maraqlı faktlardan danışdı | Təbaşir dövrü üçün yeganə sübut

12 fevral 2025 267 baxış

Çinli paleontoloqlar kanadalı həmkarları ilə birlikdə qədim sürünənlərin Şimali Amerikadan Asiyaya miqrasiyasına dair əlavə sübutlar tapıblar.

Tədqiqat qrupunun məlumatına görə, analiz üçün götürülən qiymətli materialda bitki ilə qidalanan ördək gövdəli dinozavrların qalıqları olduğunu ortaya çıxaran fosillər aşkarlanıb. Bildirilir ki, söhbət 70 milyon ildən çox əvvəl Yer kürəsində yaşamış hadrozavrlardan gedir.

Çin Geoloji Universitetinin professoru Sin Lidanın izah etdiyi kimi, sözügedən fərdlər lambeozavrların alt ailəsinə – uzunluğu 7-9 metrə çatan və çəkisi 3-5 ton olan böyük ördək gövdəli dinozavrlara aiddir.

O qeyd edib ki, bu, Təbaşir dövrü üçün yeganə sübutdur və həmin eranın sonunda Şimali Amerika dinozavrlarının Asiya regionuna mümkün miqrasiyasını göstərir. Alimlər bu fosillərin ölüm anında hələ tam yetişməmiş lambeozavrlara aid olduğunu müəyyən ediblər.

#Dinozavr qalıqları