Putin, başının üstündə olanları dağıdaram | Tramp özünü gicbəsər adlandırdı

ABŞ prezidentliyinə Respublikaçılar Partiyasından namizəd Donald Tramp bildirib ki, o, Rusiya Prezidenti Vladimir Putini Ukraynaya hücum olacağı təqdirdə Moskvanı vuracağı ilə hədələyib. Tramp bunu “Voll Strit Jurnal”a müsahibəsində deyib.

“Dedim ki, Vladimir, Ukraynanı təqib etsən, səni o qədər güclü vuracağam ki, inanmayacaqsan. Mən lənətə gəlmiş Moskvanın düz mərkəzini vuracağam. Dedim ki, biz dostuq, bunu etmək istəmirəm, amma seçimim yoxdur”, – o bildirib.

Trampın sözlərinə görə, Putin “No way” (mümkün deyil) ifadəsi ilə cavab verib:

“Dedim ki, sən elə bir zərbə alacaqsan ki, başının üstündən o lənətə gəlmiş günbəzləri dağıdacağam. Çünki bilirsiniz, o, günbəzlərin altında yaşayır”.

Tramp Putinlə söhbətinin nə vaxt və hansı şəraitdə baş tutduğunu açıqlamayıb.

O əlavə edib ki, onun Rusiya Prezidenti, eləcə də Çin lideri ilə əla münasibəti var:

“Həm Szinpin, həm də Putin mənim necə gicbəsər olduğumu bilir”.