Putin ən böyük məqsədindən əl çəkməli olacaq? - Sensasiya yaradan sözlər

Respublikaçı senatorlar ABŞ Prezidenti Donald Trampın rusiyalı həmkarı Vladimir Putinə verdiyi son sərt ultimatumu dəstəkləyiblər.

Senatorlar Rusiya liderini sülhə məcbur etməyin yeganə yolunun iqtisadi təzyiq və güc olduğunu bildiriblər.

Respublikaçı senator Con Kennedi Putinlə qarşılıqlı əlaqəni “köpəkbalığını özü ilə qidalandırmaq” adlandırıb. Onun sözlərinə görə, Rusiya diktatorunun dırnaqlarının altında qan var, o, təkcə ukraynalıların deyil, həm də öz xalqının qəssabıdır.

“Putin yalnız gücü başa düşür. Onu danışıqlara məcbur etməyin yeganə yolu döyüş maşınını ac saxlamaqdır. İkinci dərəcəli sanksiyalar vasitəsilə Rusiya neftinin satışını dayandırmaqla onun büdcəsinə zərbə vurmalıyıq”, – Kennedi bildirib.

Senator əlavə edib ki, Putin ABŞ-yə və şəxsən Trampa hörmətsizlik edir, o, danışmağı öyrənməmişdən əvvəl yalan danışıb.

Senator Berni Moreno vurğulayıb ki, Putin tezliklə Trampla oyun oynaya bilməyəcəyini öyrənəcək:

“Ukraynadakı qətllər dayandırılmalıdır. Əgər Putin onu sürükləmək və ya oyun oynamaq istəsə, Trampın oyun oynamadığını öyrənəcək”.

Senator Ceyms Rişin sözlərinə görə, o, şəxsən Trampla vəziyyətlə bağlı danışıb:

“ABŞ Prezidenti Putinin hərəkətlərindən məyus olub. Yaxın gələcəkdə Vaşinqtonda dəyişikliklər gözlənilir”.