Putin Ermənistanın bu hərəkətini bağışlamayacaq | Lavrovdan açıq mesaj

Rusiyanın xarici işlər naziri Sergey Lavrov aprelin 7-də Moskvada xarici dövlətlərin Moskvadakı səfirləri ilə görüşündə Ermənistana xəbərdarlıq edib.

Bu barədə Ermənistanda nəşr olunan “Hraparak” qəzeti məlumat yayıb.

Nəşr qeyd edir ki, görüşdə Avrasiya regionunda təhlükəsizlik məsələləri müzakirə olunub:

“Görüşdə Ermənistanın Rusiyadakı səfiri Qurgen Arsenyan da iştirak edib. Rusiya Xarici İşlər Nazirliyi Lavrovun iclas iştirakçılarının diqqətini NATO ölkələrinin Asiya-Sakit okean regionunda vəziyyətin sabitliyini pozmağa yönəlmiş təhlükəli addımlarına, Yaxın Şərqdəki partlayıcı vəziyyətə, həmçinin Cənubi Qafqaz və Mərkəzi Asiyada sabitliyə təhdidlərə yönəltdiyini bildirib.

Məlumata görə, Lavrov sərt şəkildə xəbərdarlıq edib ki, Rusiya-Ukrayna münaqişəsindən istifadə edərək Qərbin təsir dairəsini Rusiyaya qarşı tarazlıq kimi genişləndirən bəzi region ölkələri ilə məşğul olacaqlar.

O, Ermənistanı xüsusi vurğulayıb. Maraqlıdır ki, Ermənistan səfirliyinin saytında hələ də həmin görüşlə bağlı məlumat yoxdur”.