Putin ilə Tramp arasında telefon danışığı | Müharibəni dayandırmaq üçün əsas tələb

ABŞ-nin “The Washington Post” nəşri Rusiya Prezidenti Vladimir Putinin Donald Trampla son telefon danışığından yazıb.

Məlumata görə, Putin müharibənin dayandırılması üçün Ukraynanın bütün Donetsk vilayətinin Rusiyaya verilməsini tələb edib. Bunun əvəzində isə Zaporojye və Xerson vilayətlərinin işğal altında olan bəzi hissələrini geri qaytarmağı təklif edib.

Nəşr yazır ki, bu sövdələşmə Trampın “sülh planı”ndan danışmasına baxmayaraq, Moskvanın köhnə tələblərini bir daha xatırladır. Ukrayna və Avropa rəsmiləri bu fikri qəbuledilməz adlandırıblar. Adı açıqlanmayan diplomatın sözlərinə görə, bu, ukraynalıların öz ayaqlarının altını qazması deməkdir.

ABŞ mediasının məlumatına görə, Kreml Trampın döyüş əməliyyatlarını dayandırmaq çağırışınlarına baxmayaraq, bunu etməkdə maraqlı deyil. Səbəb isə Rusiya qoşunlarının Ukraynada cəbhə xəttinin bir neçə istiqamətində irəliləməsidir.

“Moskva dronlardan istifadə üçün yeni üsullara əl atır. Bu üsullar Ukrayna hərbçilərini aşkar etmək və məhv etməyə, həmçinin Kiyevə məxsus obyektləri dağıtmağa imkan verir”, – deyə məlumatda qeyd olunub.