Putin "Oreşnik" silahının özəlliklərindən danışdı | Bu raketlərin vurulması mümkün deyil!

19 dekabr 2024 261 baxış

“Oreşnik” müasir silahdır. Mən şəxsən onun işlənib hazırlanması prosesində iştirak etmişəm”.

Bunu Rusiya Prezidenti Vladimir Putin ilin yekunlarına həsr olunmuş mətbuat konfransında deyib.

O bildirib ki, “Oreşnik” kompleksinin uçuş məsafəsi 5,5 min kilometrə qədərdir.

“Heç kimin bu raketləri vurmaq şansı yoxdur. Əgər sizin adını çəkdiyiniz Qərb ekspertləri belə düşünürsə, hansı ki, onlar “Oreşnik”i məhv etmənin bir yolu olduğunu iddia edirlər, biz həmin ekspertlərə və onları maliyyələşdirənlərə bununla bağlı texnoloji təcrübə aparmağı təklif edirik.

Belə düşünürlərsə, qoy onları pul verib danışdıranlara XXI-ci əsrin duelini təklif etsinlər. Qoy Avropanın istənilən nöqtəsinə bütün raketlərini göndərsinlər, biz isə oraya “Oreşnik” ilə zərbə endirək və nə baş verdiyini görək. Biz belə bir təcrübəyə hazırıq, bəs qarşı tərəf necə? Onlar belə vəziyyətlə üz-üzə gəlməyə hazırdırlar?”.

#Rusiya