Putin Tramp və Zelenskinin başını aldadır? - Atəşkəs adı altında gizlənənlər

Kreml Ukraynada müharibənin dayandırılması ilə bağlı danışıqları mümkün qədər uzatmaq istəyir ki, daha çox Ukrayna ərazisini ələ keçirə bilsin. Çünki onlar hesab edirlər ki, Vaşinqton sərhəd xəttinin haradan keçəcəyi ilə maraqlanmayacaq.

Bu barədə “Moskov Tayms” Kremlin mövqeyini bilən dörd mənbəyə istinadən yazıb.

"Hazırda zaman bizim tərəfimizdədir və biz bundan maksimum istifadə etməyə çalışacağıq", – nəşr bir rusiyalı diplomatdan sitat gətirib.

Nəşr xatırladır ki, Rusiya lideri Vladimir Putin ABŞ Prezidenti Donald Trampla danışıqlar zamanı ümumilikdə 30 günlük atəşkəs təklifini qəbul etdiyini bildirib, lakin Moskva üçün "nüansların" vacib olduğunu vurğulayıb. Bu da Rusiyanın silahı yerə qoymazdan əvvəl maksimalist tələblərində israr edəcəyinə işarə edir.

Məhz bu "nüansların" ətraflı müzakirəsi Rusiya nümayəndələrinə tapşırılıb.