Putin Trampa məlumat yolladı | Gecə baş tutan görüşün detalları

15 mart 2025 162 baxış

“Rusiya Prezidenti Vladimir Putin martın 14-ü gecə ABŞ Prezidentinin xüsusi nümayəndəsi Stiven Uitkoffu qəbul edib və onun vasitəsilə ABŞ lideri Donald Trampa informasiya ötürüb”.

Bunu Rusiya dövlət başçısının mətbuat katibi Dmitri Peskov bildirib.

Onun sözlərinə görə, Prezident Putin Uitkoffu martın 14-ü gecə saatlarında qəbul edib, görüş baş tutub.

“Rusiya tərəfinə əlavə məlumat təqdim edilib. Eləcə də Uitkoff vasitəsilə Vladimir Putin Trampa məlumat və əlavə siqnallar yollayıb. Rusiya və ABŞ prezidentləri – Vladimir Putin və Donald Trampın danışığının vaxtı hələ müəyyən edilməyib. Dəqiq zaman və məkan Moskvaya səfər edən Uitkoffun ABŞ liderinə məruzəsindən sonra təyin olunacaq. Cənab Uitkoff Moskvada əldə etdiyi bütün məlumatları öz dövlət başçısına çatdırdıqdan sonra danışığın keçirilmə tarixini müəyyən edəcəyik”, – o bildirib.

Dmitri Peskov əlavə edib ki, belə bir danışığa ehtiyac olduğunu hər iki tərəf anlayır.

#Rusiya