Pleyeri seçin:
Putin və Tramp arasında telefon zəngi | Kremldən açıqlama
Rusiya və ABŞ prezidentləri Vladimir Putin və Donald Tramp arasında telefon danışığı olub.
Rusiya Prezidentinin köməkçisi Yuri Uşakov liderlərin telefon söhbətinin bəzi təfərrüatını açıqlayıb.
Onun sözlərinə görə, Putin həmkarını iyulun 4-də ABŞ-də qeyd olunacaq Müstəqillik Günü münasibətilə təbrik edib, Rusiyanın Amerika dövlətçiliyinin təşəkkülündə mühüm rol oynadığını vurğulayıb.
“Təbii ki, Ukrayna məsələsi müzakirə olunub. Tramp hərbi əməliyyatların tezliklə dayandırılması məsələsini yenidən qaldırıb. Putin qeyd edib ki, biz münaqişənin siyasi danışıqlar yolu ilə həllini axtarmağa davam edirik”, – deyə Y.Uşakov bildirib.
Müzakirə olunan mövzular arasında həmçinin Suriya, İran və bütövlükdə Yaxın Şərqdəki vəziyyət də olub.
Kopyalandı
