Pleyeri seçin:
Putin və Tramp Budapeştdə görüşəcək?
Rusiya Prezidenti Vladimir Putin və ABŞ Prezidenti Donald Trampın Budapeştdə mümkün görüşü yalnız Ukrayna münaqişəsinin dayandırılması yolları barədə razılıq əldə olunacağı təqdirdə baş tuta bilər.
Bu barədə Macarıstan xarici işlər naziri Peter Siyarto “Kossuth” radiostansiyasına açıqlamasında bildirib.
Nazir qeyd edib ki, o, Baş nazir Viktor Orbanın Vaşinqtona səfəri zamanı onu müşayiət edib və Ağ Evdə Donald Tramp ilə keçirilən danışıqlarda iştirak edib:
“Sammit yalnız elə bir razılaşma əldə olunarsa, keçiriləcək ki, bu da artıq üç il yarımdır qonşuluğumuzda davam edən müharibənin başa çatmasına gətirib çıxarsın”.
O əlavə edib ki, belə bir görüşün hazırlanması prosesi Ukrayna ətrafında vəziyyətin mürəkkəbliyinə görə bir neçə həftə, hətta aylar çəkə bilər.
Bununla belə, Macarıstan tərəfi Budapeştin mümkün danışıqlar üçün platforma olmağa hazır olduğunu bəyan edib.
Kopyalandı
#Donald Tramp teqi istifadə olunub
- Minneapolis meri miqrantlara qarşı əməliyyatları dayandırmağı tələb etdi
- Rusiya, ABŞ və Ukrayna danışıqları davam etdirmək barədə razılığa gəlib
- ABŞ Prezidentinin Davosdakı açıqlamaları Avropada narazılıq yaradıb - Baku TV
- Meloni Aİ liderlərini Trampa qarşı çıxmamağa inandırıb
- ABŞ Prezidenti Donald Tramp İlham Əliyevə təşəkkür edib - Baku TV
