Putin və Zelenski nə vaxt görüşəcək? - Almaniya kanslerindən Rusiyaya mesaj

ABŞ Prezidenti Donald Tramp bildirib ki, Ukrayna Prezidenti Volodimir Zelenski, Fransa Prezidenti Emmanuel Makron, Finlandiya Prezidenti Aleksandr Stubb, İtaliyanın Baş naziri Corcia Meloni, Böyük Britaniyanın Baş naziri Kir Starmer, Almaniyanın kansleri Fridrix Merts, Avropa Komissiyasının Prezidenti Ursula fon der Lyayen və NATO-nun Baş katibi Mark Rutte ilə Ağ Evdə görüş keçirib.

Onun sözlərinə görə, müzakirələrdə Ukraynanın təhlükəsizliyi əsas mövzu olub. Tramp görüşdən sonra Vladimir Putinə zəng etdiyini və Zelenski ilə üçtərəfli danışıqlara hazırlığa başladığını açıqlayıb.

Almaniya kansleri Fridrix Merts isə qeyd edib ki, sammit yalnız atəş dayandırıldıqdan sonra baş tuta bilər.

Onun sözlərinə görə, Ukraynadan oğurlanmış uşaqlar məsələsi də gündəmdə olub.

Merts vurğulayıb ki, Ukrayna heç bir ərazi güzəştinə getməməlidir:

“Rusiyanın tələbləri əsassızdır. Donbassdan imtina Floridanın güzəştə gedilməsi ilə eyni şeydir”.