Putin Zelenskiyə son sözünü dedi | İstanbula hansı şərtlərlə gedəcək?

Rusiya Prezidenti Vladimir Putin Ukrayna tərəfi ilə 15 may tarixində Türkiyədə baş tutması gözlənilən danışıqlar üçün şərtlər irəli sürüb: tam və qeyd-şərtsiz təslim olmaq, NATO-ya üzvlükdən həmişəlik imtina etmək, Ukrayna hakimiyyətinin dəyişdirilməsi, Krım, Xerson, Zaporojye, Luqansk və Donbasın Rusiyaya verilməsi ilə razılaşmaq.

Bu barədə “The Times” qəzeti yazıb.

Məqalədə deyilir ki, Rusiya tərəfi münaqişənin həlli üçün onun yaranmasının əsas səbəbinin aradan qaldırılmasına çalışır. Üstəlik, Moskva təkid edir ki, danışıqlar yalnız Rusiyaya təhlükəsizlik zəmanəti verildiyi təqdirdə mümkündür.

Rusiya tərəfinin tələblərinin hazırkı hərbi vəziyyətdən kənara çıxması diqqət çəkir və təsadüfi deyil ki, ABŞ-nin vitse-prezidenti Cey Di Vens vəziyyəti şərh edərkən Kremlin nəzarət etdiyindən daha çoxunu tələb etdiyini vurğulayıb.