Putindən Trampla bağlı vacib açıqlama | Bu, hər kəsi qane etmir...

"ABŞ-nin yeni Administrasiyası ilə ilk təmaslar müəyyən ümidlər doğurur".

Bu sözləri Rusiya Prezidenti Vladimir Putin Federal Təhlükəsizlik Xidmətinin kollegiya iclasında çıxışı zamanı söyləyib.

Onun sözlərinə görə, Vaşinqtonun hazırkı hakimiyyəti praqmatizm və hadisələrə real baxış nümayiş etdirir, stereotiplərdən uzaq durmağı seçir.

V.Putin Rusiya ilə ABŞ arasındakı dialoqun hər kəsi qane etmədiyini əsas gətirərək 3-cü şəxslərin buna mane olacağını iddia edib.

"Biz Qərbin Rusiya-ABŞ arasında dialoqa müdaxilə cəhdlərinin qarşısını almaq üçün diplomatiyanın və kəşfiyyat xidmətlərinin bütün imkanlarından istifadə etməliyik. Hər 2 ölkə əməkdaşlığın bərpasına hazırdır", – deyə V.Putin vurğulayıb.

Bundan əlavə, Kremlin rəhbəri ölkəsinin heç vaxt Ukrayna müharibəsini sülh yolu ilə həll etməkdən imtina etmədiyini söyləyib.

O, Rusiyalı hərbçilərin Ukraynadakı fəaliyyəti ilə bağlı əsas beynəlxalq problemlər üzrə dialoqun başlanmasına şəraitin yarandığını deyib.