Putini Çinə gətirən səbəb: Rusiya lideri kimlərlə görüşəcək?
Rusiya Prezidenti Vladimir Putin oktyabrın 17-si Çin Sədri Si Cinpinin dəvəti ilə bu ölkəyə səfər edib.
İki günlük səfər zamanı Rusiya Prezidentinin qrafiki çox sıxdır.
Putin səfərinin ilk günündə əsasən, “Bir kəmər, bir yol” Üçüncü Beynəlxalq Forumuna qatılan həmkarları, eləcə də nümayəndə heyətlərinin rəhbərləri ilə görüşlər keçirəcək, həmçinin Vyetnam Prezidenti, Tayland Krallığının Baş naziri, Monqolustan Prezidenti və Laos Prezidenti ilə danışıqların aparılması planlaşdırılır.
Bundan əlavə, Rusiya lideri oktyabrın 17-də Çinin sədri Si Cinpin və xanımı Penq Liyuanla da görüşməlidir.
Qeyd edək ki, “Bir kəmər, bir yol” Forumunun əsas tədbirləri oktyabrın 18-də Tiananmen meydanındakı Böyük Xalq Zalında keçiriləcək. Həmin gün Rusiya-Çin danışıqları da baş tutacaq, bundan sonra Putin forum çərçivəsində bir sıra ikitərəfli görüşləri davam etdirəcək.