Putinin ABŞ-yə demədiyi qalmadı | Rusiya liderindən dünyaya təcili mesaj

“ABŞ dünyada ikili standartlara söykənən və diktatura ilə idarə olunan müstəmləkəçilik siyasəti yürüdür”.

Bu barədə Rusiya Prezidenti Vladimir Putin Koreya Xalq Demokratik Respublikasına səfər etməzdən öncə açıqlama verib.

Onun sözlərinə görə, ABŞ-nin yanaşması ilə razılaşmayan ölkələr sərt xarici təzyiqlərlə üzləşir. Rusiya lideri təcavüzkar düşmənə qarşı mübarizədə Koreya xalqını daim dəstəkləyəcəyini də vurğulayıb.

O, Şimali Koreyanın uzun illər ABŞ-nin iqtisadi təzyiqlərinə və hərbi təhdidlərinə baxmayaraq, müstəqil siyasət yürütmək bacarığını da yüksək qiymətləndirib.

Kreml rəhbəri həmçinin qeyd edib ki, beynəlxalq arenada sülh və sabitliyin təmin olunması üçün Rusiya və Koreya Xalq Demokratik Respublikası Qərb tərəfindən idarə olunmayan alternativ ticarət mexanizmlərini inkişaf etdirəcək.